विश्वकप २०२२ व एसियन कप २०२३ या संयुक्त छनोट अन्गर्तत निगूगु वया कासा नेपालं चाइनिज ताइपेईयात २० बुकुगु दु ।

पुचः बी अन्तर्गत कुवेतया जाबेर अहमद इन्टरनेशनल स्टेडियमय् जूगु कासाय् नेपाःया नितिं अन्जन विष्ट व नवयुग श्रेष्ठं गोल यात । कासाया स्वंगूगु मिनेटय् हे पेनाल्टीपाखें अन्जन गोल याना नेपाःयात न्ह्यःने यंकुगु खः । चाइपेईया कासामी पेनाल्टी एरियाय् बल ह्याण्ड यासेंलि नेपाःयात पेनाल्टीया ह्वःता चूलागु खः । उगु ह्वःतायात अन्जन विष्टं गोलय् हिलेत ताःलात । थ्वयान्ह्यः २०१९ जूगु छनोट कासाय् नेपालं चाइनिजयात २० हे बुकेत अन्जनं हे निगू गोल थ्वाःगु खः।

निगूगु हापय् नेपालं मेगु हाकनं छगोल तन । सुनिल बलया थासय् दुहाँवम्ह नवयुगं सुमन अर्यालया क्रसय् गोल याःगु खः । पुचः बीया जितलिपा नेपालं खुगु कासां खुगु ल्याः हे तंगु दु । थ्वयान्ह्यः नं नेपालं चाइनिज तापइपेईविरुद्ध ३गू ल्याः हे तंगु खः । नेपालं आः जेठ २४ गते जोर्डन व जेठ २८ गते अष्ट्रेलियालिसें म्हितिइ ।

Categorized in कासा