चाबःहीलीं च्वम्ह ५५ दँया नेवाः मिसा तन
शोभा श्रेष्ठ | ञंलागा १३ ११४०,भाद्र ३० मंगलवाः
येँ महानगरपालिका ७ वडाया कुमारीगालय् च्वनिम्ह ५५ दँया वीणा श्रेष्ठ वःगु आइतवाः न्हिननिसें तनाच्वंगु दु ।
उम्ह मनू चाबहि ओम अस्पतालय् हाउसकिपिङ सुपरभाइजर जुयाः वंगु १०–१२ दँ निसें ज्या यानाच्वनाम्ह श्रेष्ठ आइतवाः सुथय् सदां थें अफिस वंगु खः ।
श्रेष्ठ तःगु खबर वये वः वय्कःया काय् शैलेस श्रेष्ठं गौशाला प्रहरी चौकीइ जाहेरी नं दर्ता याये धुकुगु खः ।
काय्म्ह न्ह्यावलय् थे जाः नयाः अफिस वंम्ह थः मांया अफिसय् न मथ्यंगु, अफिसं लिपा फोन यानाः मवःगु जानकारी बीवं तिनि तंगु खँ स्यूगु खः ।
थःथितिपिं नाप पासापिं सकसिकें न्यना स्वःसां सुयाकें वय्कःया खबर मदुगुलिं बहनी फेसबुकपाखें तंगु सुचं पिकानगु धका काय् श्रेष्ठं धाःगु खः ।
