चिकित्सकपिनिगु आन्दोलन ५ बुँदे सम्झौतां स्थगित
लहनान्युज | तछलाथ्व त्रयोदशी ११४०,जेठ २२ बिहीवाः
स्वास्थ्य तथा जनसंख्या मन्त्रालय व आन्दोलनर याना च्वपि चिकित्सक दथुइ ५ बुँदे सम्झौता जुगु दु ।
छवाःनिसे न्ह्याना च्वःगु चिकित्सक तथा स्वास्थ्यकःमिपिनिगु आन्दोलन स्थगित जुगु दु ।
वःगु जेठ १४ गतेय् येँया जोरपाटीइ नेपाल मेडिकल कलेज शिक्षण अस्पतालय् विरामीया थःथीति ड्युटी याना च्वम्ह चिकित्सकयात हातपात तथा दुर्व्यवहार याःगुलि चिकित्सकपिन्स आन्दोलन याना वयाच्वंगु खः । उमिगु आन्दोलनयात देय् यकंया चिकित्सकपिन्स समर्थन याःगु खः ।
बुधवाः चान्ह्यः स्वास्थ्य तथा जनसंख्या मन्त्रालयय् नेपाल मेडिकल काउन्सिलया प्रतिनिधिया रोहबरय् आन्दोलनर याना वयाच्वपि चिकित्सकया प्रतिनिधि व स्वास्थ्य मन्त्रालयया प्रतिनिधि दथुइ ५ बुँदे सम्झौता जुगु दु ।
उगु सम्झौताय् ड्युटीइ खटे जुम्ह चिकित्सक तयेत हातपात यापिनिगु छानविन याना स्वन्हुया दुने कारवाहीया दायराय् हयेगु, सीसीटीभी फुटेज गायव याम्हेसित न स्वन्हुया दुने कारवाहीया दायराय् हयेगु सहमति जुगु दु ।
