चितवनय् कोरोना निम्ह मन्त
कौलागा द्धितिया ११४०,कार्तिक १७ सोमवाः | कौलागा द्धितिया ११४०,कार्तिक १७ सोमवाः
चितवनया भरतपुर अस्पतालय् निम्ह कोरोना संक्रमितपि वासः यायेगु झ्वलय् मन्त।
भरतपुर महानगरपालिका–१० च्वम्ह ७९ दँ दुम्ह मिजं व धादिङया निलकण्ठ नगरपालिका–३ च्वम्ह ६१ दँ दुम्ह मिसा सीगु धका सूचना अधिकारीं जानकारी बिःगु खः।
भरतपुर महानगरपालिका–१० च्वम्ह ७९ दुँ मिजं वःगु कात्तिक १३ गते कोरोना संक्रमण पुष्टि जूगु खः। सासः ल्हायेगु समस्या वयेवःवयात आइतवाः अस्पतालय् भर्ना जूगु खः। आइतवाः चान्हयः १ः२० बजे मदुगु धका भरतपुर अस्पतालया सूचना अधिकारीं धाःगु खः।
अथेहे भरतपुर अस्पतालय् वासः याका वयाच्वम्ह धादिङया निलकण्ठ नगरपालिका–३ च्वम्ह ६१ दँ दुम्ह सोमवाः थौं सुथय् २ः५५ बजे मदुगु खः।
सासः ल्हायेगु समस्या वया कात्तिक ५ गते वयात अस्पतालया आइसोलेसनय् भर्ना जुगु खः। वयात उगु हे दिं कोरोना संक्रमण पुष्टि जुगु खः। स्वास्थ्य अवस्था थाकुया वने वं वयात कात्तिक ९ गते कोभिड आईसीयूलय् तया वासः याःगु खः।
Categorized in राष्ट्रिय
