चितवनय् मेम्ह वडासदस्य मन्त
चितवनय् कोरोना संक्रमणं सीपि जनप्रतिनिधि निम्ह जूगु दु। सीपि निम्ह  खैरहनी नगरपालिका च्वपि खः।
 
जिल्लाया खैरहनी नगरपालिकाया वडा नं. १२ या वडा सदस्य बद्रीबहादुर पाण्डेया वासः यायेगु झ्वलय् भरतपुर अस्पतालय् थौं शनिवाः सुथय् मलुगु धका वडा अध्यक्षं जानकारी बिःगु खः।
 
निन्हु न्ह्य जक कोरोना संक्रमण पुष्टि जुम्ह ४१ दँया पाण्डे क्यान्सर ल्वय् पाखे पीडितम्ह खः। वयागु वःगु चैतय् क्यान्सरया अप्रेसन याःगु खःसा स्वक्वः तक किमो काये धुकुम्ह खः। 
पाण्डे वःगु स्थानीय निर्वाचनय् नेपाली कांग्रेसपाखे निर्वाचित जुम्ह खः।
 
थ्व स्वया न्ह्यः, चितवनया भरतपुर महानगरपालिका वडा नं. २० या वडाध्यक्ष न कोरोना संक्रमणं मदुगु खः।