चितवनय् २२म्हेसित कोरोना संक्रमण
लहनान्युज | ञंलाथ्व २ ११४०,भाद्र ५ शुक्रवाः
चितवनय् २२ म्हेसित कोरोना भाइरस संक्रमण पुष्टि जूगु दु । भरतपुर कोभिड १९ प्रयोगशालाय् विहीवाः याःगु परीक्षणय् चितवनया ११मिजं व ११ मिसायात कोरोना भाइरस संक्रमण खनेदुगु खः ।
संक्रमण पुष्टि जूपि अप्व धइथे भरतपुर महानगरपालिकाय् च्वपि खः । भरतपुर महानगरपालिया च्याम्ह मिजं ज झींछम्ह मिसापिन्त कोरोना संक्रमण पुष्टि जूगु खः ।
उमिगु भरतपुर अस्पताल व वीपी कोइराला मेमोरियल क्यान्सर अस्पताल भरतपुरय् स्वाब संकलन याःगु खः ।
चितवनय् थौं २२म्हेसित संक्रमित जुइवं आः अन ३०३ म्ह थ्यःगु दु ।
आःतक कोरोना भाइरस संक्रमणपाखे चितवनय् स्वम्ह मदय् धुकुगु दु ।
Categorized in राष्ट्रिय
