चितवन मेडिकल कलेज कोरोना संक्रमित छम्ह मन्त
लहनान्युज | ञंलाथ्व १२ ११४०,भाद्र १४ आइतवाः
चितवनया चितवन मेडिकल कलेज भरतपुरय् कोरोना संक्रमित छम्ह सीगु दु ।
भरतपुर महानगरपालिका वडा नं. १० च्वम्ह ५२ दँया मिजंम्ह वासः यायेगु झ्वलय् थौं आइतवाः न्हिनय् १ः३० बजे मन्त ।
उम्ह मनू निमोनियाया बिरामी खः । वःगु भदौ ४ गते अस्पतालय् भर्ना जूगु खःसा वयात ७ गते कोरोना संक्रमण पुष्टि जूगु खः ।
संक्रमण अप्वया वःगुलि अस्पतालया भेन्टिलेटरय् तया वासः तया वासः याना च्वनागु झ्वलय् मदुगु खः धका कलेजया निर्देशकं धाःग् खः ।
अस्पतालय् थौंकन्ह्य न्याम्ह कोरोना संक्रमित भेन्टिलेटरय् तया वासः याका च्वंगु दु ।
चितवनय् वासः याकाच्वपि मदये धुकुपि कोरोना संक्रमित पिनिगु ल्या ११ म्ह थ्यःगु दु । उकि चितवनया न्याम्ह, मकवानपुरया स्वम्ह, गोरखा व कैलाली नाप बारा निजगढया छम्ह छम्ह दु ।
Categorized in राष्ट्रिय
