विश्व स्वास्थ्य संगठन डब्लूएचओं चीनं दयेकूगु मेगु भ्याक्सिनयात नं आपतकालिन छ्यालाबुलाय् हयेत अनुमति बिउगु दु ।

डब्लुएचओ निगु डोज बिइमाःगु सिनोभ्याक भ्याक्सिनयात मंगलबाः अनुमति बिउगु खः । चीनलिसें हलिंया यक्वः हे थासय् छ्यालाच्वंगु सिनोभ्याकयात डब्लुएचओं अनुमति बिइओं आः कोरोना भाइरसविरुद्ध चीनया निगू खोप जूगु दु ।

थ्वयान्ह्यः चिनियाँ कम्पनी सिनोफार्मं दयेकूगु खोपयात अनुमति बिइधुंकूगु दु । सिनोभ्याक खोप आः चीन, चिली, ब्राजिल, मेक्सिको, थाइल्याण्ड, टर्कीलिसेंया २२गू देशय् बियाच्वंगु दु ।

१८दँ सिबें च्वये पिन्त थ्वः खोप निगू डोज निवाः निसें प्यवाःया अन्तरय् बिइत सिफारिस बिइगु डब्लूएचओं न्ह्यथंगु दु । डब्लुएचऔं फाइजर/बायोएनटेक, मोडेर्ना, जोनसन एन्ड जोन्सन व अष्ट्राजेनेकां भारत, दक्षिण कोरिया व युरोपियन युनियनया देशय् उत्पादन जुइत्यंगु खोपयात नं अनुमति बिउगु दु ।

Categorized in अन्तर्राष्ट्रिय