चीनयात दबाब मबीत डब्लूएचओया इनाप
लहनान्यूज | कछलागा त्रयादशी ११४१, जेठ २५ गते मंगलबाः
विश्व स्वास्थ्य संगठन, डब्लुएचओं कोरोना भाइरसया विषयलय् थप जानकारीया नितिं चीनयात दबाब मबीत इनाप याःगु दु ।
बेलायतं थ्वसिवे न्ह्यः कोरोना भाइरस, चीनया वुहानस्थित ल्याबं पिज्वःगु द्वपं ब्यूगु दु । अनलिं अमेरिकां न कोरोना भाइरसया बारे थप अनुसन्धान यायेत थः गुप्तचर निकायतय्त धागु खः ।
हलिन्यंकं कोरानाया थीथी लहर न्यनाच्वंगु ईलय् डब्लुएचओं कोरानाया विषयलय् थप जानकारीया नितिं चीनयात दबाब मबीत इनाप याःगु खः । डब्लुएचआया आपतकालीन ग्वहालि ज्याझ्वःया निर्देशक माइक रायनं कोरोनसम्बन्धी छुं न कथंया सूचंया नितिं चीनयात दबाब मबीत इनाप यानादीगु दु ।
कोरोना भाइरस प्रकोपया प्रारम्भिक चरणय् वुहानया ल्याबं पिज्वःगु धइगु द्वपंयात चीनं न प्रतिवाद यानावःगु दु । थ्वसिवे न्ह्यः चीन भ्रमण याःम्ह डब्ुलएचओया प्रतिनिधिं न सत्य सूचंया नितिं इपिं ल्याबय् थ्यंकेगु इच्छा याःगु खःसां अन थ्यंकेमफुत । थ्वसिवे न्ह्यः अमेरिका पूर्वराष्ट्रपति डोनाल्ड ट्रम्पं न चीनं कोरोना भाइरस पिज्वःगु धकाः द्वपं बियादीगु खः ।
Categorized in अन्तर्राष्ट्रिय
