चीनयात प्रतिबन्ध लगे याये फइ ट्रम्प
लहनान्युज | बछलाथ्व नवमी ११४०,बैसाख २० सनिवाः
अमेरिकी राष्ट्रपति डोनाल्ड ट्रम्पं चीनयात प्रतिबन्ध तये फइ धका चेतावनी बिःगु दु । ‘कोरोना भाइरस संक्रमण रोके यायेत चीन असफल जुुगलि चीनयात अमेरिकां प्रतिबन्ध तइगु सम्भावना दु धका ट्रम्पं धाःगु दु ।
ट्रम्पं थुगु खँ अमेरिकी राष्ट्रपतिपि ना फार्म हाउस क्याम्प डेभिभ वनेगु तयारी जुयाच्वंगु इलय् या पत्रकारपिन्त धाःगु खः ।
२८ मार्चनिसे ह्वाइट हाउसं आतक पिहा वाःगु मदुनि ट्रम्पं फार्म हाउसय् छवाः तक वया ग्वाहालिमि नाप परिवार नाप च्वनेगु योजना दु ।
अमेरिकां चीनयाःगु ल्याबपाखे कोरोना भाइरसया महामारी फैले जुगु दाबी याना वयाच्वंगु खः । कोरोना भाइरसया संक्रमण फैले मयायेत चीनं पर्याप्त सावधानी अपने मयाःगु व विश्व स्वास्थ्य संगठनं चीनया पक्ष कया वयाच्वंगु आरोप ट्रम्प बिःगु दु । थ्व हे कारण अमेरिकां विश्व स्वास्थ्य संगठनयात यात बिया वयाच्वंगु आर्थिक ग्वाहालि तक कटौती याःगु खः ।
अमेरिकां कोरोना संक्रमणं प्रभावित अमेरिकाया ४ गु अस्पतालयात १२ बिलियन डलर ग्वाहालि यायेगु घोषणा याःगु दु ।
