२०७८ कार्तिक १०, बुधबार

चीनया छगू अन्तरिक्ष यान चन्द्रमाया चट्टान हयेत ताःलात

कौलाथ्व चतुर्थी ११४१, असोज २५ सोमबाः

चीनया छगू अन्तरिक्ष यान ४० दँया इतिहासय् न्हापांखुसिइ चन्द्रमाया सतहया चट्टान संकलन यायेत ताःलाःगु दु ।
 
चिनीयाँ अन्तरिक्ष एजेन्सीया कथं चीनया चाँग ई ५ मिसनं ४०दँया इतिहासय् चन्द्रमाया चट्टान कया पृथ्वीइ लिहाँवयेत ताःलाःगु चिनियाँ समाचार संस्था सिन्ह्वां न्ह्यथंगु दु ।
 
उगु मिसनय् दुथ्यागु अमेरिकाया वाशिङटन बिश्वबिद्यालयया बिशेषज्ञ बै्रड जोलिफं उगु चट्टानया आयु थ्यंमथ्यं २ गू अर्व दँया जुइगु ताकं याःगु दु । वयेकया कथं चन्द्रमा लगभग ४ गू अर्ब दँ पुलांगु खः, थ्व पृथ्वी थें हे पुलांगु खः ।
 
बैज्ञानिकतये टोलीं चन्द्रमा जःखःया क्षेत्रया दँ निर्धारणया नितिं चट्टानया नमुना संकलन याःगु न्ह्यथंगु दु । जोलिफं चीनया बेइजिङ प्रयोगशालाय् थुगु चट्टानया खँय् थप अनुसन्धान याना याकनं हे न्हूगु तथ्य सार्वजनिक यायेगु न्ह्यथंगु दु ।
 
चीनं चांग ई ५ मिसन वंगु २४ नोभेम्बरय् प्रक्षेपण याःगु खः । थ्वहे मिसनं ४गू दशकया इतिहासय् चन्द्रमाया सतहया चट्टान पृथ्वीइ हयेत ताःलाःगु खः ।
Categorized in अन्तर्राष्ट्रिय