चीनया लगानी दिकेत अमेरिकाय् न्हूगु कानुन
कलछलागाः चर्तुर्थी ११४१, जेठ २६ गते बुधबाः
अमेरिकां चीननाप अप्वःगु आर्थिक प्रभाव पनेत न्हूगु कानून प्रस्ताव याःगु दु ।
अमेरिकाय् चीनं प्रविधिया क्षेत्रय् अर्बौं डलर लगानी यानाः थःगु प्रभाव कायम कायेत्यंगु धासें अमेरिकी राष्ट्रपतिं थ्व कानुन हयेत्यगु सीएनएनं धागु दु । राष्ट्रपति जुइधुंकाः थःम्हं यायेगु धकाः बाइडेनं ब्यूगु बचं पूवंकेत न्हूगु कानुन हःगु खः ।
न्हूगु कानुनं चीनया लगानी नियन्त्रण जुइगु हले अमेरिकी नव लगानीकर्तापिन्त हःपाः जूवनीगु ह्वाइटहाउसं दाबी याःगु दु । न्हूगु प्रस्तावित कानुन संसदया निगू सदनं पारित यायेधुंका कार्यान्वयनय् वइगु धाःगु दु ।
तर विपक्षी दलया सांसदपिन्सं धाःसा बाइडेनया कदमया विरोध याःगु दु । उमिसं सरकारया उगु योजनाविरुद्ध मतदात यायेगु ख्याच्वः तकं बिउगु दु । अमेरिकाया उगु कदमं नासाया गतिविधि न्ह्याकेत अपुइगु अधिकारीपिनिगु दावी दु ।
Categorized in अन्तर्राष्ट्रिय
