चीनय् वःगु खुसिबाःया हुनिं म्होतिइ २५ म्ह सीत
दिल्लाथ्व त्रयोदशी ११४१,साउन ७ बिहीवाः
चीनय् वःगु खुसिबाःया हुनिं म्होतिइ २५ म्ह सीगु दुसा ७म्ह तनाच्वंगु दु ।
मध्य चीनया हेनान प्रान्तय् मदिक्कया वाः वःगु लिसें खुसिबाः चलःया हुनिं भूमिगत रेलवे सेवा लिच्वःलय् लाःगु दु । उगु क्षेत्रय् जङ्गो नगरय् छगू रेलमार्गय् खुसिबाःया हुनिं यात्रुत अलपत्र जूगु खः ।
तच्वगु गतिइ वःगु खुसिबाःलं थी थी थासय् मनू व गाडीत चुइकुगु खः । १०गू कोति सिव्ें आपा जनसंख्या दूगु प्रान्तय् २गु लख सिवें आपा प्रभावितया उद्दार जूगु अन्तर्राष्ट्रिय समाचार संस्थातयेसं न्ह्यथंगु दु ।
खुसिबाःया हुनिं थी थी भौतिक संरचनाय् क्षति जूगु अनया सरकारी अधिकारीतयेसं न्ह्यथंगु दु । खुसिबाःया हुनिं आपालं सडकय् क्षति जूगु दुसा निजी लिसें सरकारी संरचनात पूर्ण रुपय् क्षतिग्रस्त जूगु बुखँय् न्ह्यथनातःगु दु ।
चीनया केन्द्रीय सरकार व हनान प्रान्त सरकारं प्रकोप उद्दारया नितिं जनशक्ति परिचालन जूगु समाचार संस्था सिन्ह्वां न्ह्यथंगु दु । जनमुक्त सेना, सशस्त्र प्रहरी लिसेंया सुरक्षा निकाययात प्रभावितपिनि उद्दारया नितिं परिचालन जूगु धाःगु दु ।
Categorized in अन्तर्राष्ट्रिय
