चीनय् हाकन सच्छिम्ह भाइरसया संक्रमित पिहावल
लहनान्युज | चौलागा षष्ठी ११४०, बैसाख १ सोमवाः
आइतवाः चीनय् १०८ म्ह न्हुपि संक्रमित जुपि पिहावःगु दु ।
चीनया नेसनल हेल्थ कमिसनं सार्वजनिक याःगु तथ्यांक कथं, छन्हु हे चीनय् न्यागु वाः लिपा न्हापागुु पटक सच्छि स्वया अप्वो न्हुपि संक्रमित जुपि पिहावःगु दु । तर लिपागु इलय् चीनय् हाकन न्हुपि संक्रमित अप्वोया वया च्वःगु दु ।
चीनय् आइतवाः दक्को हे संक्रमित जुपि विदेशय् लिहावपि चिनियाँ नागरिकपि खः । उकि मध्ये बच्छि स्वया अप्वो उत्तरी प्रान्त हिलोगजियाङयापि मनूत खः । उगु प्रान्त रुस नाप स्वागु प्रान्त खः । उगु प्रान्तय् संक्रमित जुपि रुसं लिहा वपि खः ।
भाइरस पिहावःगु थाय् वुहानय् धाःसा न्हुपि संक्रमित पिहावःगु मदुनि । आइतवाः धाःसा वुहानय् भाइरसया कारण निम्ह मनू सिइगु दु । चीन सरकारं छु ई न्ह्यजक वुहानय् भाइरसपाखे
सुरक्षित जुगु धया लकडाउन खुला यायेगु निर्णय याये धुकुगु दु ।
चीनय् थुगु भाइरसं संक्रमित जुपिनिगु ल्याः ८२ द्धः व १६० म्ह मनू थ्यःगु खः । साथै अथेहे, सिपिगिु ल्याः स्वद्धः व ३४१ म्ह मनू सिइगु खः ।