चीनलिसे न्याःगु १६गू लख डोज खोप वइगु
चीनलिसे न्याःगु १६गू लख डोज खोप वइगु
चीनलिसे न्यानाहःगु १६गू लख डोज, भेरोसेल खोप निन्हुयादुने नेपाः थ्यंकवइगु, जापानं ब्यूगु एस्ट्राजेनेकाया ७गू लख डोज न थ्वहे वालय् थ्यंकवइगु ।
नेपालं चीनलिसे न्यानाहःगु ८गू लख डोज भेरोसेलया खोप थौं थ्यंकवइगु जूगु दु । मेगु ८गू लख डोज खोप धाःसा कन्हय् थ्यनि । स्वास्थ्य सेवा विभागं धाःकथं चीनं निन्हुयादुने १६गू लख डोज खोप नेपाः थ्यंकवइगु अले ल्यंदुगु ४४गू लख डोज खोप अगस्टया लिपांगु वालय् थ्यनि ।
अथेहे, जापानं कोभ्याक्समार्फत चूलाकूगु १६गू लख डोज खोपमध्ये ल्यंदुगु ७गू लख डोज खोप भदौ ५ व ७ गते नेपाः थ्यनि । नेपालय् आःतक थीथी देशं २४गू लख ४८द्व कोभिसिल्ड, ५८गू लख डोज भेरोसेल, १६गू लख डोज जोन्सन एन्ड जोन्सन, १०गू लख ७७द्व ३सः व २०गू डोज एस्ट्राजेनेका यानाः छगू कोती ८गू लख ६०द्व सछि व ७०गू डोज खोप थ्यंकवःगु दु ।
Categorized in राष्ट्रिय
