चीन चन्द्रमाय् थःगु ध्वाँय् ब्बय्कल
लहानान्युज | कछलागा षष्ठी ११४१, मंसिर २१ आइतवाः
अमेरिका ५० दँ चन्द्रमाय् ध्वाँय् तःगु चीनं न ध्वाँय् ब्वय्कूगु दु। चीनया ‘नेस्नल स्पेस’ विभागं सार्वजानिक याःगु किपाय् चन्द्रमाया सतहय् चिनिया ध्वाँय् ब्वय्कूगु खः।
चीनया चाङ इ–५ यानं काःगु किापाय्, आः चन्द्रमाय् ल्वहया स्याम्पल नाप पृथ्वी लिहाव वइ। थ्व स्वया न्ह्यः निगः चिनियाँ अन्तरिक्ष मिसनय् ध्वाँय् ब्वकेय्गु कुतः जुइ धुकुगु खः तर, उगु ध्वाँय् सतहय् ब्वय्के मफुगु खः।
१९६९ या अपोलो ११ मिसनय् अमेरिका, चन्द्रमाय् ध्वाँय् ब्वय्कूगु न्हापागु देय् जूगु खः। वयालिपा अमेरिकां थीथी विभिन्न मिसन अन्र्तगत १९७२ तक न्याकः थःगु ध्वाँय् गाढेय् याये धुकुगु खः ।
२०१२ य् नासाया स्याटलाइट किपा उगु न्याःगु हे अमेरिकी झन्डा स्थिर रुपं दुगु किपा सार्वजानिक याःगु खः । चीनया राष्ट्रिय संचारं चिनियाँ ध्वाँय् ५० दँ न्ह्यया अपोलो मिसनया ई कथं उत्साह व प्रेरणा दुगु थे च्वं धका धाःगु खः। न्ह्यदँ लिपा चाङ इ–५ मिसन चीनया स्वकः सफल चन्द्रमाय् अवतरण जुगु खः ।
Categorized in अन्तर्राष्ट्रिय
