चुनाव न्ह्यवः हें एजेन्डा दयेका गठबन्धन यायेमा
नृपेन्द्रलाल श्रेष्ठ | गुंलाथ्व त्रयोदशी ११३७ (अगष्ट छ २०१७)
नेपाली काँग्रेसया यवा नेता नाप केन्द्रीय सदस्य पुलाम्ह स्वास्थ्यमन्त्री गगन थापां माथेमा आयोगं तयार याःगु प्रतिवेदनया आधारय् चिकित्सा शिक्षा ऐन संशोधन यायेमाः खँय् बःबीयादीगु दु ।
वय्कलं थौं ख्वपया बालकोटय् मदुम्ह श्यामबहादुर कार्कीया झिक्वःगु स्मृति दिवसया लसताय् सञ्चारकःमिनाप खँल्हानादिसे प्रतिवेदनयात ध्यान बिया ऐन संशोधन याना अनशन च्वनादीम्ह डा गोविन्द केसीया जायज माग सरकारं पू वयेमाःगु धकाः धयादीगु दु ।
नेता थापां वर्तमान गठबन्धन सरकारं क्वःछिनातःगु हे इलय् फुक्क निर्वाचन यायेगु दाबी न यानादीगु दु ।
वयक्लं बिगतय् थेँ निर्वाचन लिपा जक याइगु गठबन्धनया अन्त्य यायेमागु चुनाव न्ह्यवः हें एजेन्डा दयेका गठबन्धन याना निर्वाचनय् वंसा दिर्घकालिन सरकार जुइगु व देय्या नितिं भिं जुइ धकाः धयादीगु दु ।
