चुरे क्षेत्रपाखें ल्वं, चागः व फि निकासी मयायेत सर्वाेच्चया अन्तरिम आदेश
बछलाथ्व, नवमी ११४१, असार ५ शनिबाः
चुरे क्षेत्रया ल्वं, चागः व फि मिइगु निर्णय थथें कार्यान्वयन मयायेत सर्वोच्च अदालतं अन्तरिम आदेश बिउगु दु ।
उगु रिटया खँय्ु सु्नुवाइलिपा संवैधानिक इजलासं अन्तरिम आदेश जारी याःगु खः । रिट निवेदनया सुनुवाइया नितिं प्रधानन्यायाधीश चोलेन्द्र शमशेर जबरां थःगु नेतृत्वय् न्यायाधीश दीपक कार्की, मीरा खडका, हरिकृष्ण कार्की व विश्वम्भर प्रसाद श्रेष्ठ दुथ्यागु इजलास गठन यानादीगु खः ।
वरिष्ठ अधिवक्ता दिनेश त्रिपाठी व अधिवक्ता डा. पुण्यप्रसाद खतिवडा लिसेंयापिन्सं सरकारं आर्थिक दँ २०७८÷०७९ या बजेटपाखें याःगु उगु निर्णय कार्यान्वनय् थथें रोक तयेत माग यासें सर्वोच्चय् रिट दायर याःगु खः ।
संसद विघटन याना सरकारं अध्यादेश पाखें आर्थिक दँ २०७८÷०७९ या बजेट हःगुलिं उगु बजेटया वैधतया नं व्याख्या यायेत रिट निवेदकं माग याःगु खः । संवैधानिक इजलासं अन्तरिम आदेश जारी याना सरकारयात ‘कारण देखाउ आदेश’ बिउगु दु ।
Categorized in राष्ट्रिय
