उपत्यका नगरपालिका फोरमया सचिव, मध्यपुर थिमी नगरपालिकाया मेयर मदनसुन्दर श्रेष्ठं निश्चित् ई तया कोरोनाया ‘चेन ब्रेक’ याय् हथाय् जुइधुंकल धयादिगु दु । नेवाः पत्रकार राष्ट्रिय दबू कोभिड १९ सचेतना कमिटींं न्ह्याका च्वंगु सचेतना ज्याझ्वलय् खँ ल्हासें खँल्हाबल्हाय् मेयर श्रेष्ठं १४ निसेँ २१ दिन तक्कया निषेधाज्ञा लागू जुल धाःसा हटस्पट जुयाच्वंगु स्वनिगलय् कोरोनाया महामारी भयावह म्हो याय् फैगु धारणा तयादिल ।

 

‘उपत्यका नगरपालिका फोरमपाखेँ वैज्ञानिक तर्कसहित थ्वः प्रस्ताव तयागु खः । महिनौँ लकडाउन याय्गु मखु । छगु, निगु वा जक निषेधाज्ञा याय्गु खः । छक थ्वः कोरोनाया चेन ब्रेक जुल कि भयवाह स्थिति वइमुख धैगु सल्लाह अनुसार जिमिसं प्रस्ताव तयागु खः’–उपत्यका नगरपालिका फोरमया छ्याञ्जेया भाला नं कायादिम्ह श्रेष्ठं धयादिल । मेयर श्रेष्ठया कथं मोहनी, स्वन्ति व छठ पर्वलिपा संक्रमण झन् अप्वइगु डर दुगु जुलिं उपत्यका नगरपालिका फोरमं लकडाउनया सल्लाह ब्यूगु खः । मेयर श्रेष्ठं थुकि प्रधानमन्त्री, गृहमन्त्री व स्वास्थ्यमन्त्री नं सकारात्मक जुया दिसाँ लकडाउन याय्गुलि सहमत मजुल अथेखसां संक्रमित अप्वःया वन धाःसा निश्चित् क्षेत्रय् सिलयाय्गु अवस्था यायमालिफू, धयादिल । ‘नियन्त्रणया नितिं छठ पर्व सिधगु २१ दिन पिवाः च्वनेगु खँ दु । स्थिति बामलाना वनं धाःसा थप कदम चालेयाय्गु सहमति जुगु दु । नत्र दोस्रो लहर वलधाःसा कोरोना नियन्त्रण याय् धाकुइ ।’

मेयर श्रेष्ठं स्वनिग अझ नं भयावह स्थिति दुगुया थीथी कारण कनादिल– ‘दक्कले न्हापां ला कूल परिक्षणय् औसत ५ प्रतिशत संक्रमित खने दइ धैगु हे महामारीया अवस्था खः । अथेखसां नेपालय् २७ प्रतिशत तक्क संक्रमण खना च्वंगु दु । अथेहे कोरोना भाइरस चिकु धासय् यक्व म्वाइगु जुलिं मङ्सिर,पुस, माघया इलय् थुकिया अप्वः खतरा दु । अथेहे कूल सक्रिय संक्रमितमध्ये नं बच्छिस्यां अप्वः स्वनिगलय् दु । नखःचखःया हुनिं परिक्षण याना च्वंगु मदु । संक्रमितत जाँच मयासे अथेहँ चाहिला च्वंगु दु । तराईले नो टेस्ट नो केसया स्थिति दु । अनं स्वनिगलय् दुहाँ वइबलय् स्थिति झन् भयवाह जुइ फु । मृत्यु दर नं स्वनिगलय् अप्वः जुया च्वंगु दु ।‘ उकिं नं स्वनिगलय् कडाई याय्त हथाय् जुइधुंकगु धापू मेयर श्रेष्ठया दु । वयकलं निषेधाज्ञा जारी याय्गु अधिकारी स्थानीय तहयाके मदुगु निं जनताया हितया सवालय् नं सरकारया निर्देशन पिमागु अवस्था दुगु खं कना दिल । ‘स्थानीय सरकार वलधाःसां अधिकार आः नं केन्द्रित जुयाच्वंगु दु । थ्वः विडम्बना खः । थुकियात परिमार्जित आय्मा धैगु स तया च्वनागु दु ।’ मेयर श्रेष्ठं थःगु क्षेत्र थिमी नं कोरोना हटस्पट जुया च्वंगु लिं चिन्ता प्वंका दिला । थिमी नगरपालिकाय् करीब एक लाख ३० हजार जनसङ्ख्या दु । आतक्क २९८५ संक्रमित जुइधुंकल । ३८५ सक्रिय संक्रमित दु । ३६ म्ह मदय्धुंकल । उकिं नं सर्वसाधारण तय्त सचेत जुइत इनाप याना च्वना । आः व्याहाभोय् या इ नं खः । सरकारं पार्टि प्यालेस चायकिगु अनुमति मब्यूसां, थायगु थासय् व्याहाभोय् जुया च्वंगु दु । सामाजिक संस्कारया थयागु ज्या याय्मासां तोकेयाना तःगु मापदण्ड पूरा याना सतर्क जुया जक ज्याझ्वः याय्त इनाप यानादिल । अथेहे वयकलं कोरोना ईलय् नं थिमी नगरपालिकाय् स्वास्थय मापदण्ड पूरा याना विकास निर्माणया ज्याः जुयाच्वंगु जानकारी बिया दिला । वयकलं धायादिल– कोरोनां याना फुलस्पीडय् वनेमफू अ‍ेखसां ६० प्रतिशत ज्याः जुया च्वंगु दु ।

खँल्हाबला स्वयेगु नितिं क्वय् लिंक क्लिक यानादिसँ ।

https://www.facebook.com/100045367095181/videos/222354475953454/

Categorized in राष्ट्रिय