चेन्नई सुपर किङ्सयात प्यक्वखुसी आइपीएलया उपाधि
कौलाथ्व एकादशी ११४१, शनिबाः
चेन्नई सुपर किङ्सं ४क्वःखुसिइ इन्डियन प्रिमियर लिग (आईपीएल) टी–ट्वान्टी क्रिकेटया उपाधि त्याकुगु दु ।
वंगु चान्हय् जूगु कासाय् कोलकाता नाइट राइडर्सयात २७गू रनं बुका चेन्नर्इं ४क्वःखुसिइ आईपीएलया उपाधि त्याकुगु खः ।
फाइनल कासाय् चेन्नई सुपर किङ्सं बिउगु सच्छि व ९३गू रनया आज्जु कोलकाता नाइट राइडर्सं क्वजिनातःगु २०गू ओभरय् ९गू विकेट तंका सच्छि व ६५गू रन जक दयेकेफत ।
चेन्नर्इं लिपांखुसिइ सन् २०१८ य् आईपीएलया उपाधि त्याकुगु खः । वयान्ह्यः चेन्नईं सन् २०१० व २०११ या सिजन मदिक्क निक्वःखुसिइ आईपीएलया उपाधि त्याकुगु खः ।
थुखे कोलकाताया ३क्वःखुसिइ उपाधि त्याकेगु योजना सुथांमलात । कोलकातां लिपांखुसिइ सन् २०१४ य् आईपीएलया उपाधि त्याकुगु खः ।
वयान्ह्यः सन् २०१२य् कोलकातां आईपीएलया उपाधि त्याकुगु खः ।
Categorized in कासा
