२०७७ माघ ८, बिहिबार

चेन्नाई न कोलकातायात खुगु बिकेट त्याकल

रमित | कौलाथ्व चतुर्दशी ११४०,कार्तिक १४ शुक्रवाः

लिपाःगु बलय् छक्का थ्वासे चेन्नाई सुपर किंग्सं आईपीएल क्रिकेटय् कोलकाता नाइट राइडर्सयात खुगु ६ विकेटं त्याकूगु दु।
 
१७३ रनया लक्ष्य चेन्नाई न प्यःगु विकेट गुमे याना लिपाःगु बलय् उगु लक्ष्य पूरा याःगु खः।
 
 
चेन्नाईया लागि ऋतुराज गायकवाड ७२ रन योगदान याःगु खः। शेन वाटसन १४ रन, अम्बाती रायडु ३८ रन, साम कुरान १३ व रविन्द्र जडेजा ३१ रन नटआउट म्हितूगु खः।
 
१९ ओभरय् चेन्नाईया स्कोर १६३ रन जुगु खः सा दकलय् लिपागु ओभरया लिपागु बलय् त्याकेगु लागि १ रन आवश्यक जुगु खः। कमलेश नगरकोटीं बलय् जडेजां छक्का थ्वाना चेन्नाई यात त्याकूगु खः। जडेजां ११ बलय् ३१ रनया योगदान याःगु खः।
 
बलिङपाखे पेट कमिन्सन व वरुण चक्रवर्ती न निगु निगु विकेट काःगु खः।
 
टस बुया न्हापा ब्याटिङ याःगु कोलकातां निर्धारित २० ओभरय् ५ विकेटय् १७२ रन दयेकूगु खः। कोलकाताया लागि नितिश रानां दकलय् अप्वो ८७ रन दय्कूगु खः। शुभमन गिलं २६ रन दयेकूगु खः।
 
बलिङय् लुंगी निग्दी न निगु विकेट काःगु खः।
 
कोलकाताया लकी फर्ग्युसन दकलय् अप्वो रन बिउगुम्ह बलर खः। वं प्यःगु ओभरय् ५४ रन ब्यूउगु खः। दकलय् किफायती बलर नितिश राणा जुगु दु छगु ओभरय् १६ रन जक ब्यूगु खः।
Categorized in कासा