चेन्नाई न हैदरावादयात २० रन बुकल
रमित | अनलागा १२ ११४०,असोज २८ बुधवाः
चेन्नाई सुपर किंग्सं आईपीएल क्रिकेटय् त्याकूगु दु। दुबईलय् म्हिगः चान्ह्य जुगु कासाय् महेन्द्रसिंह धोनीया नेतृत्वय् चेन्नाई न सनराइजर्स हैदरावादयात २० रन बूकुगु दु।
चेन्नाई न न्हापां ब्याटिङ यासे हैदरावादयात १६८ रनया चुनौती बिःगु खः। हैदरावादं निर्धारित २० ओभरय् ८ विकेटय् १४७ रन जक दयेकूगु खः। हैदरावादया लागि केन विलियम्सनं ५७ रन दयेकूगु खः।
चेन्नाइया लागि ड्वेन ब्राभो व कर्ण शर्मा निगु निगु विकेट व साम कुरान, रविन्द्र जडेजा व शार्दुल ठाकुरं छगु छगु विकेट काःगु खः। जडेजां ब्याटिङ बालाक्क यासे १० बलय् नटआउट २६ रन दय्का म्यान अफ द म्याच जूगु खः। थ्व नाप चेन्नाई अंक तालिकाय् खुगु थासय् थ्यःगु दु सा प्लेअफया दौडय् रोमाञ्चक जूगु दु।
चेन्नाई, हैदरावाद व राजस्थान रोयल्सया समान ६–६ ल्याः दु। रेन रेटया आधारय् हैदरावाद न्याःगु व राजस्थान न्ह्यःगु थासय् दु। प्यःगु थासय् कोलकाता नाइट राइडर्सया ल्याः च्याःगु दु। हैदरावाद व चेन्नाई न मेपि स्वया छगु छगु म्याच अप्वो म्हितुगु दु।
Categorized in कासा
