२०८० चैत्र १६, शुक्रबार

चेल्सीयात क्लब विश्वकपया उपाधि

सिल्लाथ्व द्धादशी ११४२, फागुन १ आईतवाः

इंग्लीश फुटबल क्लब चेल्सीं न्हापांगु खुसी फिफा क्लब विश्वकप फुटबलया उपाधि त्याकूगु दु ।

युएईलय् वंगु चान्हय् जूगु फाइनल कासाय् ब्राजिलियन क्लब पाल्मेरासयात अतिरिक्त इलय् २–१ गोलं बुकाः चेल्सी त्याःगु खः । कासाया ५५गूगु मिनेटय् चेल्सीया रोमेलु लुकाकुं १ गोल यासें टोलीयात न्ह्यःने यंकूगु खः ।

तर ६४गूगु मिनेटय् पाल्मेरासया केभलकान्ते भिएगां पेनाल्टीमार्फत ज्वलिंज्वः गोल यात । क्वःज्यूगु ईया कासाय् १–१ गोलया ज्वलिंज्वः जुइधुंकाः अतिरिक्त इलय् चेल्सीं कासा त्याकाकाल ।

उकिया लागिं काइ हाभर्ट्जं निर्णायक गोल याःगु खः । कासा त्याःगुलिसें चेल्सीं व्यवसायीक क्लब फुटबलया दक्वं औपचारिक धेंधें बल्लाखय् जित दर्ता याःगु दु ।

Categorized in कासा