चेल्सी काराबाओ कप पिहावल
मनिष | अनलाथ्व चतुर्दशी ११४०,असोज १४ बुधवाः
चेल्सी काराबाओ कप फुटबलं पिहावःगु दु। म्हिगः मंगलवाः चान्ह्यः जुगु कासाय् टोटनहम नाप बुइवं चेल्सी काराबाओ कप शीर्ष १६ थासं पिहा वःगु खः।
टोटनहम हट्सपर स्टेडियमय् जूगु कासाय् चेल्सी पेनाल्टी न ५–४ बुगु खः। निर्धारित इलय् १–१ या बरारबी जुइवं पेनाल्टी सुटआउट जुगु खः ।
कसाया सुरुआती १९ गु मिनेटय् टिमो वेरनर न गोल यासे चेल्सीयात न्ह्यने यकूगु खः। न्हापागु हाफय् १–० न्ह्यने थ्यःगु खः। कासाया ८३ गु मिनेटय् टोटनहमया लागि एरिक लामेला न गोल यासे कासा बराबरी याःगु खः।
पेनाल्टीइ टोटनहमया ह्यारी केन, लुकास मोउरा, पिएरे एमिले, एरिक लामेला व एरिक डिएर न छगु छगु गोल याःगु खः।
चेल्सीया लागि एमेर्सन पालमेएरी, जोगिन्हो, अज्पिलिकुएटा व टमी अब्राहमं गोल याःगु खःसा मासन माउन्ट पेनाल्टी थ्वाःगुलि प्रहार पोल लाना लिहावःगु खः । थुगु कासालिपा टोटनहम काराबाओ कप फुटवलय् मेगु चरणय् थ्यःगु दु।
Categorized in कासा
