च्याम्पियन्स लिगया उपाधि लिभरपुलयात
लहनान्युज | ने.सं. ११३९ बछलागा चतुर्दशि (२ जुन, २०१९)
इंग्लिस प्रिमियर क्लब लिभरपुलं च्याम्पियन्स लिग फुटबलया उपाधि त्याकूगु दु ।
सञ्चरवाः चान्हय् जूगु फाइनल कासाय् मेगु इंग्लिस प्रिमियर क्लब टोटनह्यामयात २गू गोलं बुकूसें लिभरपुलं उपाधि त्याकूगु खः । उगु कासाय् मोहम्मद सलाह व डिभोक ओरिगीं गोल याःगु खः ।
सलाहं कासाया निगूगु मिनेटय् हे पेनाल्टीपाखें गोल यासें लिभरपुलयात न्ह्यःने लाकूगु खः । टोटनह्यामया मौसा सिसोकों ह्याण्ड यायेवं लिभरपुलयात पेनाल्टीया ह्वःताः वःगु खः । कासाया शुरुइ हे अग्रता काःगु लिभरपुलं बांलाक्क कासा न्ह्यब्वःगु खः ।
न्हापांगु हाफ छगू गोलं न्ह्यःने लाःगु लिभरपुलं निगूगु हाफया ८७गूगु मिनेटय् लिभरपुलं निगूगु गोल यायेत ताःलाःगु खः । लिभरपुलया नितिं ओरिगीं गोल याःगु खः । २गू गोलं न्ह्यःने लाःगु लिभरपुल टोटनह्यामविरुद्ध दबाबय् कासा म्हितूगु खः । कासाजःछि बल थःगु पकडय् तःसां नं टोटनह्यामं गोल धाःसा यायेमफूगु खः ।
क्वःछिनातःगु इलय् तक टोटनह्यामं गोल यायेफयेवं लिभरपुल २गू गोलं कासा त्याकूसें खुक्वः खुसी च्याम्पियन्स लिगया उपाधि त्याकूगु खः ।
Categorized in कासा
