च्वँ हे मच्वंसे संसद मुँज्या स्थगित
लहनान्यूज सम्वाददाता | कौलागा पञ्चमि ११३६ (अक्टोबर २० २०१६)
अख्तियार दुरुपयोग अनुसन्धान आयोगया प्रमुख आयुक्त लोकमान सिंह कार्की विरुद्ध दर्ता जूगु महाअभियोग प्रस्ताव न्ह्यब्वयेगु धाःगु संसदया थौंया मुँज्या च्वँ हे मच्वंसे स्थगित जूगु दु ।
थौं न्हिनय् १ताः इलय् सःतूगु संसद मुँज्याय् महाअभियोग प्रस्ताव न्ह्यब्वयेगु तयारी याःगु खः । संसद सचिवालयं कार्की विरुद्धया महाअभियोग प्रस्तावबारे सहलह यायेत दलतयसं ई फ्वनेधुंकाः मुँज्या स्थगित जूगु न्ह्यथंगु दु ।
मेगु मुँज्या वइगु आइतवाः सुथय् ११ताः इलय् सःतूगु दु ।
बुधबाः नेकपा एमाले व नेकपा माओवादी केन्द्रया १५७ सांसदतयसं थःगु ल्हाःचिं तयाः कार्कीविरुद्ध महाअभियोग प्रस्ताव संसद् सचिवालयस दर्ता याकूगु खः ।
