च्वबाहालय् बाँसुरी प्रशिक्षण क्वचाल
लहानान्युज | अनलाथ्व ४ ११४०, असोज ५ सोमवाः
किपूया च्वबाहालय् छगू ज्याझ्वःया दथुइ बाँसुरी प्रशिक्षण समापन ज्याझ्वः जुल ।
किपू नगरपालिका–६य् च्वंगु जलविनायक दाफा खलःया ग्वसालय् जूगु प्रशिक्षण ज्याझ्वः थगुने असोज ७ गते न्ह्याःगु खः । कोरोना महामारीया हुनिं तःक्वःमछि हे प्रशिक्षण स्थगित याय्माःगुलिं प्रशिक्षण ज्याझ्वः थ्यंमथ्यं दच्छितक जुल ।
स्थानीय मिसा व मिजंपिं यानाः मुक्कं नीम्हय्म्ह प्रशिक्षार्थीपिन्त गुरु धर्म मुनिकार, वडा नं. ६या वडाध्यक्ष न्हुछे बहादुर महर्जनलिसें दाफा खलःया न्ह्यलुवापिन्सं दसिपौ लःल्हानादीगु खः ।
महिला पुरुष गरी २७ जना प्रशिक्षार्थीहरुलाई गुरु धर्म मुनिकार, ६ नं वडा अध्यक्ष न्हुछे बहादुर महर्जन लगायत दाफा खलःका अग्रजहरुले प्रमाणपत्र वितरण गर्नुभएको थियो ।
दाफा खलःया नायः ईन्द्र महर्जनं स्थानीयवासी व वडाध्यक्षंतकं माःगु ग्वाहालि याःगुलिं ज्याझ्वः सुथांलाक्क क्वचाःगु न्ह्यथनादिसें देय् कोरोनामुक्त जुइधुंकाः तःजिक ज्याझ्वः याय्गु ग्वसाः दुगु नं धयादिल ।
बाँसुरी प्रशिक्षण ज्याझ्वःया संयोजक ज्ञानेन्द्र महर्जनं न्ह्याकादीगु उगु ज्याझ्वः दाफा खलःया नायः ईन्द्र महर्जनया सभाध्यक्षताय् जूगु खः।
Categorized in राष्ट्रिय
