कोरोनाविरुद्धया नियम अःखः चुप्पा याःगु किपाः सार्वजनिक जूबलय् बेलायती स्वास्थ्यमन्त्रीया पद वंगु दु । दबाब अप्वःसेंलि स्वास्थ्यमन्त्री मयाट ह्यानककं राजीनामा बिउगु खः । भौतिक दूरीया नियम हाचांगाया ह्यानककं थः सहकर्मीयात चुप्पा नःगु खः । ह्यानकक व जीन कोलेड्यानजेलो दथुया चुप्पा नयाच्वंगु किपाः द सन पत्रिकां पिथंगु खः । प्रधानमन्त्री बोरिस जोनसनं धाःसा राजीनामा पौ पाखें थः दुःखी जूगु न्ह्यथंगु दु । न्हूम्ह स्वास्थ्यमन्त्री आः पुलाँम्ह अर्थमन्त्री शजिद जावेदयात भाला बिउगु दु । ह्यानकक व जीन कोलेड्यान दथुया चुप्पाया किपाः द सन पत्रिकां पिथना ह्यानककयात पद त्वतेत दबाब अप्वःगु खः । ह्यानककं थःपिन्सं हे दयेकूगु नियम पालना यायेगु थःपिनिगु कर्तव्य जूगु धासें माफी वना राजीनामा बिउगु खः । Categorized in अन्तर्राष्ट्रिय