२०८० चैत्र १५, बिहिबार

जगतसुन्दर ब्वनेकुथिं सापारु हन

गुंलागा पंचमी ११३७ (अगष्ट १२ २०१७)

जगतसुन्दर ब्वनेकुथिं सापारु हना ज्याझ्वः हँसें “पुन्टुचा ख्वबिलु” ख्यालः क्यंंगु दु । सरेशकिरणं च्वयादीगु थुगु ख्यालः रामकृष्ण खड्गीं स्यनादीगु खः । ब्वनेकुथिया ब्वमिपिं सैयुष शाही, मेरी श्रेष्ठ, रिजा महर्जन, रमन महर्जन, सविन श्रेष्ठ, लूजः खड्गी, अपूर्वा कर्माचार्यं म्हितूगु थुगु ख्यालः स्वयाः स्वकुमिपिं प्वाः तित्युंत्युं न्हूगु खः ।

 


थुगु ज्याझ्वलय् ज्याझ्वः न्ह्याकादीम्ह बबिता मानन्धरं “सुलाः सुलाः” म्येय् हुलाप्याखं नं न्ह्यब्वयादीगु खःसा सिजन कर्माचार्य, सुहानी बलामी व आर्यन लामिछानें “घण्टाघरया क्वय्” म्येय् हुलाप्याखं न्ह्यब्वयादीगु खः । सनिसा थापामगर व तृष्णा महर्जनं धाःसा “सिमाकचा” म्येय् हुलाप्याखं न्ह्यब्वयादीगु खः ।  

 


ज्याझ्वलय् पाहाँकथं मीना बज्राचार्यं ख्यालि बुखँ न्ह्यब्वयादीगु खःसा म्येहालामिपिं माणिक शाही, रत्नकुमार शाही, सुरेन्द्र श्रेष्ठ, सुरजवीर बज्राचार्य, रामकृष्ण खड्गीं म्ये न्ह्यब्वयादीगु खः ।

 


ज्याझ्वलय् ब्वनेकुथिया प्रधानअध्यापक माया मानन्धर लसकुस यानादीगु खःसा स्यनामि सुनीता मानन्धरं सुभाय् देछानादीगु खः ।
 

Categorized in राष्ट्रिय