जनगायक श्रेष्ठ म्हं मफयाः अस्पतालय् भर्ना
लहनान्युज | यंलागा पंचमी ११३९ (सेप्तेवर १९ २०१९)
जनगायक भृगुराम श्रेष्ठ म्हं मफयाः छुं दिं न्ह्यःनिसें कुपुण्डोलया सर्वाङ्गी स्वास्थ्य सेवा अस्पतालय् भर्ना जुयाः वासः याकाच्वनादीगु दु ।
ताःई न्ह्यःनिसें थीथी ल्वय् जुयाच्वंगु वय्कः छेँय् हे च्वनाः आराम यानाच्वनादीगु खःसा म्हिगः मंगलवाः तच्वकं म्हं मफयेवं अस्पतालय् भर्ना याःगु खः ।
भाजु श्रेष्ठयात उच्च मधुमेह जूगु व जलास्यँया समस्या जूगु लिसें ज्वरो वयाः डेंगु ल्वचं कःगु सी दूगु दु ।
