जयसिद्धि गणेशया झिक्वःगु साधारणसभा
लहनान्युज | कौलाथ्व द्धितिया ११३९ (सेप्तेवर ३० २०१९)
जयसिद्धि गणेश बचत तथा ऋण सहकारी संस्था लिमिटेडया झिक्वःगु साधारणसभाया उलेज्या मूपाहाँ ३ न.प्रदेशया सांसद बसन्त मानन्धरं त्वाःदेवा च्याकाः उलेज्या यानादिल ।
ज्याझ्वलय् पाहाँकथं लक्ष्मीरत्न तुलाधर, पुर्णभक्त तण्डुकार, राजेन्द्र भण्डारी व हेमराज शाक्य झायादीगु खः ।
संस्थाया नायः लक्ष्मण गमालं बार्षिक प्रतिवेदन न्ह्यब्बयादीगु उगु ज्याझ्वलय् लेखा समितिया संयोजक सुरज तण्डुकारं आर्थिक प्रतिवेदन न्ह्यब्बयादीगु खः ।
नायः लक्ष्मण गमालया सभाधक्ष्यताय् न्ह्याःगु ज्याझ्वलय् मूपाहाँ सांसद मानन्धरं ज्येष्ठ दुजः पंचलाल श्रेष्ठयात न्हय्द्वः तका लिसें हनापौ लल्हानादीगु खः ।
ज्याझ्वलय् महेशरत्न तुलाधरं लसकुस यानादीगु खः ।
