युईएफए युरो कप अन्तर्गत थौं क्वचाःगु पुचः एफया निगूगु कासाय् फ्रान्सं जर्मनीयात बुकुगु दु । जर्मनीया एलिनाथ एरेनाय् क्वचाःगु पुचः एफया कासाय् फ्रान्सं घरेलु टोलीयात १०नां बुकेत ताः लाःगु खः । कासाया २०गू मिनेटय् जर्मनीया डिफेन्डर म्याट हमेल्सया आत्मघाती गोलं फ्रान्स न्ह्यःने लाःगु खः । लुकास हर्नान्डेजया क्रस क्लियर यायेगे वलय् थःगु हे पोस्टय् थ्वाःगु खः । निगूगु हाफय् फ्रान्सया लागि किलियन एम्बाप्पे व करिम बेन्जामले याःगु गोल रेफ्रीं अफसाइड करार याःगु खः । उखे जर्मनीया त बाँलाःगु ह्वताः चुलासां फिनिसिङ याये मफुगु खः । गुकिइ याना फ्रान्सं चिधंगु अन्तरं जर्मनीयात बुकुगु खः । अथेहे म्हिगः चान्ह्य् क्वचाःगु पुचः एफया हे मेगु कासाय् पोर्चुगलया क्रिस्टियानो रोनाल्डोया निगूगु गोलया ग्वहालिइ हंगरीयात ३०नां याउंक बूकुगु खः । Categorized in कासा