जापानय् चलःखं ९म्ह मन्त
दिल्लाथ्व पारु ११४१,असार २७ आईतवाः
जापानय् तसिकं वा वःगुलिसे थाय्थासय् चलः वनाः ९म्ह मनूत मन्त ।
२०म्ह मनूत बेपत्ता जूगु बुखँ सार्वजनिक जूगु दु । जापानया ३गू प्रान्तय् चलखं दकले उप्वः क्षति याःगु दु । थ्वहेदथुइ सम्भावित क्षतियात मध्यनजर यानाः १गू लख ५०द्व मनूतय्त सुरक्षित थासय् तयेयंकूगु दु ।
वर्खाया लः मानव बस्तीइ दुहाँवःगुलिसे द्वलंद्व छेँ डुबानय् लाःगु दु । चलः प्रभावित लागाय् यातायात व बिजुली आपूर्ति सेवा बन्द जूगु दु । थ्वहेजुयाः न जनजीवन थप कष्टकर जूगु दु ।
वा वःगुलिसे जनजीवन प्रभावित जुइवं प्रधानमन्त्री योशीहिदें संयमित जुइत इनाप यानादीगु दु । प्रधानमन्त्री योशिहिदें चलः प्रभावित जनताया नितिं माःकथं राहत बीत सम्बन्धित निकाययात निर्देशन तकं बियादीगु दु ।
Categorized in अन्तर्राष्ट्रिय
