जीवनराम श्रेष्ठया संयोजकत्वय् गुठी समिति गठन
प्रतिनिधिसभाया सांसद जीवनराम श्रेष्ठया संयोजकत्वय् गुठी सम्बन्धी रायसुझाब पेश यायेत भूमि व्यवस्था, सहकारी तथा गरिबी निवारण मन्त्रालयं समिति गठन याउगु दु ।
 
चैत ५ गतेया मन्त्रीस्तरिय निर्णयअनुसार गुठी सम्बन्धी रायसुझाब पेश यायेत भूमि व्यवस्था, सहकारी तथा गरिबी निवारण मन्त्रालयं प्रतिनिधिसभाया सांसद जीवनराम श्रेष्ठया संयोजकत्वय् समिति गठन याउगु खः ।
 
 
उगु समितिं स्वनिगः दुनेया गुठी याःगु धार्मिक, सांस्कृतिक विविधता, परम्परा तथा गुठी किसान मोहीया विषयय् छु यायेग्ु धइगु विषयया सन्दर्भय् सरोकारवाला, गुठीयार व जनप्रतिनिधिपि नाप माःगुु सहलह  परामर्श याना प्रस्तावित गुठी विधेयकय् राय सुझाब पेश यायेगु निति मन्त्रालयं उगु समिति गठन याउगु खः ।
 
समितिं गुठीया गुठीयारपि, सरोकारवाला, समाजसेवी, नागरिक समाज, संघर्ष समितिया पदाधिकारीपिं नाप जनप्रतिनिधि पिनिगु संलग्नताय् अध्यियन, अन्तरक्रिया, छलफल व बैठक म्हसिका सुझाव बिइ बिइ ।
 
समितिया न्हापागु बैठक च्वंगुया लच्छिया दुने मन्त्रालययात सुझाव पेश यायेमा । उगु आधारय् गुठीसहितया भूमि विधेयक मन्त्रालयं तयार याइ ।
 
राष्ट्रियसभापाखे सरकारं गुठी विधेयक लित काये धुका गुठीसहित एकीकृत भूमि सम्बन्धी विधेयक हयेगु मन्त्रालयं तयारी याना च्वंगु खः ।
 
उगु सन्दर्भय् गुठीयार, सरोकारवाला, समाजसेवी, नागरिक समाज, संघर्ष समितिया पदाधिकारीपि, जनप्रतिनिधिपि नाप मन्त्रालयपाखे थ्व स्वया न्ह्यः पटकपटक छलफल याये धुकुगु दु ।
 
Categorized in राजनीति