जोद बिजोद हटे जुल
गुंलाथ्व पारु ११४०,साउन ६ गते
अन्तर जिल्ला चले जुइगु ताहाकःगु दूरीया निजी तथा सार्वजनिक सवारी साधन भदौ १ गते निसे सञ्चालन जुइगु दु ।
मन्त्रिपरिषद् या सोमवाः च्वंगु बैठकं भदौ १ निसे ताहाकःगु दूरीया सार्वजनिक यातायात सञ्चालन हयेगु निर्णय जूगु धका सञ्चार व अर्थमन्त्री डा. युवराज खतिवडां जानकारी बिःगु दु ।
यातायात व्यवसायीपिन्स साउन ८ गतेनिसे मध्यम व ताहाकःगु दूरीया यातायात सञ्चालन याके बिइगु माग याःगु खः ।
तर सरकारं भदौ १ गतेलिपा ताहाकःगु दूरीया यातायात खाले यायेगु निर्णय याःगु खः ।
भदौ १ गते स्वया न्ह्यः स्वनिगःया हकय् येँं, ख्वप व यलय् व पिनेया हकय् सम्बन्धित जिल्लाया दुने यातायात सञ्चालन याये दइगु जुगु दु । मन्त्री खतिवडाया अनुसार निजी सवारीया जोर विजोर धाःसा हटे जुगु दु ।
सरकारं वःगु जेठ २९ गतेनिसे जोर विजोर प्रणाली कथं निजी सवारी चले यायेगु अनुमति बिःगु खः ।
