ज्यापु समाजपाखें यलया जनप्रतिनिधिपिन्त भिन्तुना
लहनान्यूज | तछलाथ्व चतुर्थी ११३७ (मे २९ २०१७)
ज्यापु समाज यलं, यल जिल्ला दुनेया मेयर, उपमेयरलिसें वडाध्यक्ष व सदस्यपिन्त भिन्ुतना देछाःगु दु ।
थौं समाजं यलय् छगू ज्याझ्वः यासें यल महानगरपालिकाया नवनिर्वाचित मेयर चिरिबाबु महर्जन, उप मेयर गीता सत्याललिसेंयात भिन्तुना देछाःगु खः ।
उगु हे ज्याझ्वलय् गोदावरी नगरपालिकाया मेयर गजेन्द्र महर्जन, उपमेयर मुना अधिकारी,, महालक्ष्मी नगरपालिकाया मेयर रामेश्वर श्रेष्ठ व उपमेयर निर्मला थापायात नं भिन्तुना देछाःगु खः ।
लिसें २९ वडाया नवनिर्वाचित सकल वडाध्यक्षपिन्त नं भिन्तुना देछाःगु खः ।
सकल नवनिर्वाचित जनप्रतिनिधिपिन्त कार्यकाल सफलताया भिंतुना लिसें नेवाः तजिलजि कथं धौसगं अले ख्येँय् सगं नं ब्यूगु खः ।
नुगःखँ तयेगु झ्वलय् समाजया नायः प्रेम महर्जनं सकल यलवासी व यलया जनप्रतिनिधिपिनि दथुइ स्वापू सतिकेत व अन्तक्र्रियात्मक स्वापू दयेकेत ज्याझ्वःया ग्वसाः ग्वयागु धयादिल ।
यल महानगरपालिकायात नमूना महानगरया रुपं विकास यायेगु हे थःगु आज्जु खःगु मेयर चिरिबाबु महर्जनं धयादिल ।
Categorized in राष्ट्रिय
