टर्कीइ वंगु जुलाई १५य् जूगु सैन्य कूस थ्यंमथ्यं ९द्वःम्ह सैनिक दुथ्याःगु न्हूगु तथ्य सार्वजनिक जूगु दु ।

टर्किइ सैन्य अधिकारीतयसं सार्वजनिक याःगु तथ्यांक कथं कूस दुथ्याःपिं ८६सः व ५१ सैनिक, देयया मुक्कं सैनिक ल्याःया १ दशमलब ५ प्रतिशत खः । कूया योजनाकारयाके ३५ हवाईजहाज, ३७ हेलिकप्टर, ७४ ट्यांङक व ३ लः जहाज तकं दुगु न्ह्यथंगु दु ।

थ्वहे दथुइ कूया कुतलय् दुथ्याःगु द्वपनय् ४७ पत्रकारतयत ज्वनेत पूर्जी नं जारी याःगु दु । थ्वयां न्ह्यः थीथी क्षेत्रया १६द्वःम्हेसित ज्वनेधुंकूगु दु ।

कू या झ्वलय् २सः व ४६म्ह सीगु खःसा २द्वःम्ह घाःपाः जूगु खः ।

अमेरिकाय् दुम्ह टर्किस धर्मगुरु फेत्तुल्लाह गुलेन कू या मुख्य योजनाकार खःगु सरकारी दाबीयात गुलेनं धाःसा अस्वीकार याना वयाच्वंगु दु ।

Categorized in अन्तर्राष्ट्रिय