टी–ट्वेन्टी विश्वकप क्रिकेटय् श्रीलंकां आयरल्याण्डं त्यात
कौलाथ्व चर्तुथी ११४१, कात्तिक २ मंगलबाः
विश्वकप टि ट्वेन्टी क्रिकटया क्वालिफायर राउण्डय् श्रीलंका व आयरल्याण्डं विजयी सुरुवात याःगु दु ।
युएईया आबुधाबीइ वंगु चान्हय् जूगु कासाय् श्रीलंकां नामिबियायात ७ विकेटं बुकल । नामिबियां ब्यूगु ६७ रनया सामान्य आज्जु श्रीलंकां १३ ओभर ३ बलय् ३ विकेट तंकाः पूवंकल ।
श्रीलंकायात त्याकेत भानुका राजपाक्षें अविजित च्वनाः दक्कले अप्वः ४२ रन दयेकल । कासाय् न्हापां ब्याटिङ याःगु नामिबियां १९ ओभर ३ बलय् अलआउट जुयाः ९६ रन दयेकूगु खः । नामिबियायात म्ह्वः रनय् हे पनेत श्रीलंकाया महेश थिक्शानां ३ विकेट काल ।
म्हिगः हे जूगु न्हापांगु कासाय् आयरल्याण्डं नेदरल्याण्ड्सयात ७ विकेटं बुकाबिल । युएईया आबुधाबीइ नेदरल्यान्ड्सं ब्यूगु सच्छि व ७ रनया आज्जु आयरल्याण्डं १५ ओभर १ बलय् ३ विकेट तंकाः पूवंकल ।
उकिया लागिं ग्यारेथ डेनिलीं ४४ रन दयेकल । विश्वकप टी–ट्वेन्टी क्रिकेटय् थौं नं निगू कासा जुइ । थौं पपुवा न्युगिनीं स्कटल्याण्डलिसे म्हितीबलय् ओमानं बंगलादेशलिसे धेंधें बल्लाः याइ ।
Categorized in कासा
