स्पेनिस टेनिस कासामि रफायल नादालयात कोरोना भाइरसया संक्रमण पुष्टि जूगु दु ।

२०क्वः तक ग्रान्डस्लाम त्याकूम्ह नादालं म्हिगः सामाजिक संजालं थःत कोभिड संक्रमण जूगु सार्वजनिक यानाद्यूगु खः ।

युएईया आबुधाबीइ ग्वसाःग्वःगु मुबाडाला विश्व टेनिस च्याम्पियनसीपय् ब्वति कयाः छेँ लिहाँवनाच्वंम्ह नादालयात कोरोना संक्रमण पुष्टि जूगु खः ।

च्याम्पियनसीपया सेमिफाइनलय् नादाल बेलायती कासामि एन्डी मरेनाप बूगु खः । संक्रमण खनेदयेधुंकाः ३५दँया नादाल आः सेल्फ आईसोलेसनय् दु ।

सुरुइ स्वास्थ्य अवस्थाय् छुं समस्या जूगु खःसां आः बुलुहुँ स्वास्थ्य अवस्था भिनावःगु नादालं उल्लेख यानादीगु दु ।

Categorized in कासा