टेलिकमं रिचार्ज बराबर बोनस ब्यालेन्स बिइगु
लहनान्युज | चौलाथ्व पारु ११४०
नेपाल टेलिकमं थः ग्राहकया रिचाज बराबर शत प्रतिशत बोनस बिइगु निर्णय याउगु दु ।
सरकारं कोरोनाया सक्रमन जुया च्वंगु इलय् थः ग्राहकपिन्स रिचार्ज न्यायेत समस्या जुल धका टेलिकम थज्यागु निर्णय काःगु खः ।
थ्व व्यवस्था बुधवाः चान्ह्य १२ बजे निसे रिचार्ज याये वलय् लागु जुइ धका धाःगु दु ।
थौं कन्ह्य मनू तयेत छेँय् न पिहा वयेगु अवस्था जुगुलि रिचार्ज रकम बराबर हे बोनस बिइत मोबाइल सेवा प्रदायकयात मंगलवाः नेपाल दूरसञ्चार प्राधिकरणं निर्देशन बिउगु खः ।
टेकिलमं थःगु नेटवर्क दुने छ्यले फइगु कथं रिचार्ज बराबर हे बोनस ब्यालेन्स ध्यवा उपलब्ध यायेगु निर्णय जुगु धका टेलिकमया प्रवन्ध निर्देशक डिल्लीराम अधिकारीं धयादिगु दु ।
अथेहे वय्कलं बोनसबापतया ध्यवा डाटा चले यायेत व एसएमएस यायेत छ्यले फइ धका न धयादिगु खः ।
नेपाल टेलिकमया बाहेक मेगु नेटवर्कय् फोन यात धाःसा मुख्य ब्यालेन्सपाखे शुल्क काटे याइ ।
