टोकियो ओलम्पिकय् थौं १७गू स्वर्णया नितिं धेँधेँबल्ला
दिल्लागा एकादशी ११४१,साउन २० बुधवाः
टोकियो ओलम्पिकया १२न्हूगु दिं थौं थी थी १०गू कासाया १७ गू लुँया तक्माया धेंधेंबल्ला जुयाच्वंगु दु ।
थौं एथ्लेटिक्सय् दक्वःलय् आपा ५ गू लुँया तक्मा धेंधेंबल्ला जुइत्यंगु दु । ३२क्वःगु गृष्मकालिन ओलम्पिकय् आःतक्क ३२गू लुँया तक्मा त्याकुगु चीन शिर्ष थासय् दु ।
२४गू लुँया तक्मा लिसें निगूगु थासय् दूबलय् ३गूगु थासय् दूगु ग्वसाःखलः जापानं १९गू लुँया तक्मा चूलाकुगु दु । अथेहे अष्ट्रेलियाया १४गू लुँया तक्मा जूबलय् रुसी ओलम्पिक कमिटि व बेलायतं १३गू–१३गू लुँया तक्मा त्याकुगु दु ।
आः तक्क ५७गू देशं लुँया तक्मा त्याकुबलय् ८४गू देशं तक्मा धलःखय् नाँ च्वकुगु दु् ।
Categorized in कासा