टोकियो ओलम्पिकय् थौं ८ कासाय् १७ लुँया तक्माया नितिं धेंधेंबल्लाः
दिल्लागा षष्ठी ११४१,साउन १४ बिहीवाः
टोकियो ओलम्पिकय् थौं १७ लुँया तक्माया लागिं कासात जुइत्यंगु दु ।
थौं जिम्न्याष्टिक, क्यानो स्लालोम, फेन्सीङ, जुडो, रोवीङ, शुटिङ, स्वीमिङ व टेबल टेनिसय् धेंधें बल्लाः जुइ ।, थ्व हे दथुइ, ओलम्पिकय् आःतक्क मुक्कं ९५ लुँया तक्मा क्वःजीधुंकूगु दु ।
गुकिया कथं रसियन ओलम्पिक टीमलिसें ३५ राष्ट्रं लुँया तक्मा ल्हातय् लाकेधुंकल । ग्वसाः खलः देय ् जापानं चीन व अमेरिकायात ल्यूने लाकाः थःगु अग्रता ल्यंकूगु दु । शिर्ष थाय्या जापानं १३ लुँया, प्यंगू वहः व न्यागू कँय्यालिसें २२ तक्मा त्याकूगु दु ।
निगूगु थासय् दुगु चीनं १२ लुँया, ६ वहः व ९ कँय्लिसें २७ तक्मा त्याकूगु दु । अमेरिका ११ लुँया, ११ वहः व ९ कँय्लिसें ३१ पदक त्याकाः स्वंगूगु थासय् दु । अथे हे, रसियन ओलम्पिक कमिटी ं ७, अस्ट्रेलियां ६, बेलायतं ५, दक्षिण कोरियां ४ व जर्मनी व फ्रान्सं ३÷३ लुँया तक्मा त्याकूगु दु ।
Categorized in कासा
