२०८० चैत्र १६, शुक्रबार

टोकियो ओलम्पिकय् ब्वति कायेत्यम्ह प्रशिक्षक इन्द्रकुमारी मल्लयात कोरोना

दिल्लाथ्व दशमी ११४१,साउन ४ सोमवाः

थ्वहे साउन ८ गते निसें जापानय् ग्वसाःग्वःइगु टोकियो ओलम्पिकय् ब्वति कायेत ठिक्क जूम्ह एथ्लेटिक्स प्रशिक्षक इन्द्रकुमारी मल्लयात कोरोना जूगु दु ।
 
जापान वनेन्ह्यः याःगु परीक्षणय् वयेकयात कोरोना खनेदूगु खः । एथलेटिक्स कासामि सरस्वती चौधरया म्रशिक्षक मल्लयात कोरोना जूगुलिसें वयेक जापान मखनिगु जूगु दु ।
 
नेपाल ओलम्पिक कमिटी एनओसीं मल्लयात कोराना खनेदूगुलिसें वयेकयात यंके मफइगु न्ह्यथसें वयेकया थासय् म्याराथनया प्रशिक्षक सन्तोष श्रेष्ठया नाँ सिफारिस यायेत नेपाल एथलेटिक्स संघयात पत्राचार याःगु दु ।
 
श्रेष्ठया कार्ड तक्कं न्हापा हे वयेधुंकुगु धासें एनओसीं दबाब बिउगु दु । थ्वयान्ह्यः एथलेटिक्सया म्याराथन धावक गोपीचन्द्र पार्कीं ब्वति न्ह्यथने मखनिगु धका अन्तर्राष्ट्रिय ओलम्पिक कमिटीं न्ह्यथंगु लिसें सच्छि मिटरया धाविका चौधरीयात छ्वयेगु निर्णय जूगु खः ।
 
टोकियो ओलम्पिकय् नेपाःपाखें ४गू कासाया ५म्ह कासामिं ब्वनि न्ह्यथनेत्यंगु दु ।
Categorized in कासा