टोकियो ओलम्पिक कासाय् अमेरिकी प्रतिनिधिमण्डलया नेतृत्व अमेरिकी प्रथम महिला जिल बाइडेनं याइगु
दिल्लाथ्व चतुर्थी ११४१,असार ३० बुधवाः
जापानया टोकियोय् जुइत्यंगु ओलम्पिक कासाय् अमेरिकी प्रतिनिधिमण्डलया नेतृत्व अमेरिकी प्रथम महिला जिल बाइडेनं यानादीत्यंगु दु ।
थुगु हे जुलाई २३ लय् जुइगु उलेज्या समारोहस तकं दुथ्याइगु याना प्रथम महिला जिल बाइडेन दुथ्याइगु निर्णय जूगु अमेरिकी राष्ट्रपतिया ज्याकु ह्वाइट हाउसं न्ह्यथंगु दु । ओलम्पिक कासाय् अमेरिकी प्रथम महिलाया नेतृत्वय् प्रतिनिधिमण्डल दुथ्यायेत्यंगु सन् २०१२ लिपा थ्व न्हापांखुसिइ खः ।
सन् २०२० य् जुइमाःगु ओलम्पिक धेंधेंबल्ला कोरोना भाइरसया महामारीया हुनिं दच्छि लिपा आः जुइत्यंगु खः । ओलम्पिक धेंधेंबल्ला ग्वसाःग्वःइगु थासय् आः वयेवनेगु चकं जुइधंकुगु दु । धे्ंधेंबल्ला जुइगु थासय् विदेशी व स्वदेशी पाहाँपिं, कासामि व इमिगु पुचःयात लसकुस यायेगु न्ह्यागु दु ।
थ्वहे जुलाई २३य् न्ह्याइगु ओलम्पिक धेंधेंबल्ला अगस्ट ८ तक्क न्ह्याइगु धलः दु । धेधेंबल्लाय् २सः व ५गू देय्या कासामितये ब्वति दुथ्यायेत्यंगु दु ।
Categorized in कासा
