२०८१ आषाढ ७, शुक्रबार

ट्रकं ठक्कर बियाः माँ व म्ह्याय् मन्त

ञलागा सप्तमी ११४१, असोज १२ मंगलबाः

पूर्वपश्चिम राजमार्गअन्तर्गत रुपन्देहिया सैनामैनास्थित बुद्धनगरय् ट्रकं ठक्कर बियाः निम्ह सीगु दु ।
 
सीपिंलय् सैनामैना नगरपालिका वडा नम्बर ५ बुद्धनगरया ३८ दँया राधा भट्टराई व वय्कःया १८ दँया काय् महेश भट्टराई लाःगु दु । पश्चिमं बुटवलपाखे वनाच्वंगु ना ८ ख ४४११ नम्बरया ट्रकं सडकय् बस पियाच्वंपिं मांकाय्यात ठक्कर ब्यूगु खः ।
 
ट्रकया ठक्करं तसकं घाःपाः जूपिं उमित वासः यायेत अस्पताल यंकाच्वंबलय् लँय् हे सीगु लुम्बिनी प्रदेश ट्राफिक प्रहरी ज्याकू बुटवलं धाःगु दु । महेश कलेज वनेत्यंगु खःसा राधा वयात त्वःतःवःम्ह खः ।
 
ठक्कर ब्यूगु ट्रक व राप्ती नगरपालिका चितवनया चालक धनराज गिरीयात नियन्त्रणय् कयाः अनुसन्धान न्ह्याकागु प्रहरीं धाःगु दु ।
Categorized in अपराध