अमेरिकी राष्ट्रपति डोनाल्ड ट्रम्पं कोरोना भाइरस राहत प्याकेज सम्बन्धी विधेयकय् ल्हाचिं तयादीगु दु।

सदनपाखे पास जुगु प्याकेजय् अनावश्यक खर्च जुगु व तर नागरिकयात तसक कम ध्यवा जक छुटे यागु धासे ल्हाचि तयेत अस्वीकार याःगु खः ।

ट्रम्पं ल्हाचिं तयेवं कोरोना भाइरसया महामारी कारण वित्त समस्या वःगुलि अमेरिकी नागरिकया लागि तय जूगु राहत प्याकेज सम्बन्धी विधेयक कानुनय् हिलिइ। ट्रम्पं विधेयकय् ल्हाचिं मतःगुलि लाखौँ अमेरिकीपिन्स शनिवाः निसे राहत काये मखःगु खः। राष्ट्रपति ट्रम्पं धाःसा नागरिकपिन्त बिइगु ध्यवा खुसः डलरपाखे अप्वोयेका निद्धः डलर दयेकेगुलि डेमोक्राटपि तयार जूगु खः।

तर ट्रम्पया हे पार्टी रिपब्लिकनया सांसदपि विपक्षय् जुगुलि ट्रम्पया कुतः पूरा मजुगु खः। कोरोना भाइरस ग्वाहालि विधेयक धाःसा उगु विधेयकय् कोरोनानाप सम्बन्धित छु न व्यवस्था मदुगु धका ट्रम्पं आरोप बिःगु खः । अमेरिकी संसदपाखे ९ खर्ब डलर बराबरया राहत प्याकेज वःगु सोमवाः पारित जूगु खः ।

राहत प्याकेजय् समस्या वःपि नागरिकपिन्त तपिक नगद बिइगु व महामारीया कारण प्रभावित व्यवसाय सञ्चालनया लागि ग्वाहालि व बेरोजगार भत्ता समावेश दु ।

Categorized in अन्तर्राष्ट्रिय