ट्राफिक जरिवाना ‘क्यूआर कोड’ पाखें पुलेफइगु
लहनान्यूज | गुंलागा एकादशी ११४१, भाद्र १७ बिहीवाः
ट्राफिक प्रहरीं येँ स्वनिगलय् ‘क्यूआर कोड’ छ्यलाबुलाय् हया ट्राफिक जरिवाना पुलेगु व्यवस्था याःगु दु ।
महानगरीय ट्राफिक प्रहरी महाशाखां न्हूगु सफ्टवेर विकास याना जरिवाना पुलेगु ज्याय् अपूकूगु खः । आः कोड छ्यला मोबाइलपाखें हे जरिवाना पुलेफइगु जूगु खः । महाशाखां थांै छगू ज्याझ्व याना उगु सेवा शुभारम्भ जूगु घोषणा याःगु खः ।
उगु सेवा न्ह्यायेवं ध्येबा पुलेत प्रहरी ज्याकू वा बैंक वना लाइन च्वेनमाःगु बाध्यताया अन्त्य जूगु दु । ट्राफिक नियम उल्लङ्घन याइपिं चालकयात प्रहरीं क्यूआर कोड दूगु चिट बिइ व हे चिटया लिधंसाय् मोबाइलं स्क्यान याना ध्येबा पुलफइगु महाशाखाका प्रमुख प्रहरी वरिष्ठ उपरीक्षक जनक भट्टराईं जानकारी बियादिल ।
ल्हातं रसिद च्वया जरिवाना कायेगु ज्याया अन्त्य यासें महानगरीय ट्राफिक प्रहरी महाशाखा न्ह्यानाच्वंगु व उगु हे सिलसिलाय् न्हूगू सफ्वेयरया विकास याना सेवा न्ह्याकागु वय्कलं धयादिल ।
छुं दिन दुने ३०÷४०गू बैंकपाखें ध्येबा पुलेफइकथं सफ्टवेरय् स्वाय्गु नं महाशाखां धयादिल । निकट भविष्यय् डिजिटल चिट प्रणाली न वनेगु तयारी जुयाच्वंगु जानकारी बिउसें वय्कलं चालकपिनिगु मनस्थितिइ ह्यूपा हेयेगु हाथ्या दूगु धयादिल ।
