ठाकुर पक्षं आयोगय् फर्जी पौ दर्ता याःगु यादव पक्षया द्वपं
बछलाथ्व दशमी ११४१, असार ६ गते आइतबाः
जनता समाजवादी पार्टीया उपेन्द्र यादव पक्षं पार्टीया नायः महन्थ ठाकुरं कीर्ते जालसाजी याना निर्वाचन आयोगय् फर्जी पौ दर्तां याःगु द्वपं बिउगु दु ।
जसपा नायः ठाकुरं शुक्रवाः निर्वाचन आयोगयात २०७७ पुस ७ गतेया मुँज्यापाखें कार्यकारिणी समिति थुखेउखे, प्रमाणिकरण व पार्टीया आधिकारिक पत्राचारया अधिकार थःपिन्त दूगु माइन्युट लिसेंया पौ दर्ता याःगु खः ।
यादव पक्षया प्रचार विभाग प्रमुख डम्बर खतिवडां प्रेस विज्ञप्ति जारी याना जू हे मजूगु निर्णयात निर्णय धका महन्थ ठाकुरं निर्वाचन आयोगय् मखूगु विवरण दर्ता याःगु द्वपं बिउगु दु ।
जसपाया पुस ७ गतेया मुँज्यां याःगु निर्णय नायःपिं यादव व ठाकुरया मंका ल्हाचिं पाखें सार्वजनिक जूगु व केन्द्रीय कार्यकारिणी थुखेउखे व पुनर्गठन यायेगु अधिकार ठाकुरयात बिइगु प्रस्ताव उगु मुँज्याया ज्याधलःखय् मदूगु विज्ञप्तिइ उल्लेख दु । जसपाया कचवं आः निर्वाचन आयोगय् दु् ।
Categorized in राजनीति
