डिभी लटरी थौंनिसें चाल
ञंलागा औंसी ११४१, असोज २० बुधवाः
सन् २०२३ या लागि थौं निसें डिभी लटरी चाःगु दु । थौं बहनि जःछिपा १०ताः ईलंनिसें अनलाइनपाखें डिभी लटरीया नितिं फारम तय् फई ।
अमेरिकी सरकारया विदेश मन्त्रालय अन्तर्गत वेवसाइट अमेरिकी स्टेट गभर्मेन्टया वेवसाइटय् वना सक्कली पासपोर्ट, फोटो लिसेंया कागजात तया नियमपूवर्क भरे यायेफई ।
थौं अक्टोबर ६ निसें चाःगु डिभी लटरी नोभेम्बर ९ या जःछि पा १०ताः ई तक्क भरे यायेफइ । डिभीयात नां, बुँदिं, बूगु थाय्, पोसपोर्टया विवरण, किपा, थाय्बाय्, फोन ल्याः, ईमेल लिसेंया विवरण माः ।
छुं दँ न्ह्यः डिभीइ पोपोर्ट नं. तक्कं अनिवार्य कथं माःगु खः । खुला न्ह्यःया किपाः वा न्हापा हे तःगु किपाः छ्यलिबलय् डिभी लाइगु सम्भावना म्हो जुइगु खनेदु ।
अथेहे डिभीइ विवाहित दम्पत्तिया दक्वः विवरण व मचा दूपिन्सं उमिगु दक्वः विवरण नं उल्लेख यायेमाः ।
डिभी २०२३ या विजेतापिं सन् २०२३ या सेम्टेम्बर ३० तक्क भिसा कायेफइ धाःसा थुकिया नतिजा सन् २०२२ या मे महिनाय् वइगु जुइ । डिभी लटरी न्हापा ब्वति कायेधुंकुपिन्सं नं कायेफइ ।
