२०८१ आषाढ ३०, आइतबार

डेम्बेले स्पेनिस जायन्ट क्लब बार्सिलोनाय्

लहनान्युज | ञंलाथ्व षष्ठी ११३७(अगष्ट २७ २०१७)

 ब्राजिलियन कासामि नेयमार जुनियर बार्सिलोनापाखें फ्रान्सेली क्लब पेरिस सेन्ट जर्मेन (पिएसजी) ट्रान्सफर जुइधुंकाः बार्सिलोनां मेपिं कासामित दुथ्याकेगु कुतःकथं जर्मन क्लब बोरुसिया डर्टमुण्डया फरवार्ड ओस्मान डेम्बेलेयात थःगु क्लबय् हयेत ताःलाःगु दु ।
 
 
उकिया नितिं बार्सिलोनां १०५ मिलियन यूरो खर्च याःगु खःसा थ्व विश्वया हे निगूगु तःधंगु ट्रान्सफर नं खः । बार्सिलोनाया डेम्बेलयात दुतहयेगु थुगु कुतः निक्वःखुसी खः । न्यादँया नितिं सम्झौता याःम्ह डेम्बेलें बार्सिलोनाय् ११ नं जर्सी फीगु जूगु दु ।
 
 
फ्रान्सेली कासामि डेम्बेलेयात बार्सिलोनां तःगु न्हापांगु प्रस्तावयात डर्टमुण्डं अस्वीकार याःगु खः । थुगु प्रस्ताव अस्वीकार याःगु विरोधय् डेम्बेलें प्रशिक्षणय् ब्वति मकाःगु खःसा थुकियात कयाः डर्टमुण्डं निवाः न्ह्यःनिसें निलम्बनय् तःगु खः ।
 
 
लुमंकेबहःजू, डर्टमुण्डं डेम्बेलेयात वंगु सिजनय् मुक्कं झिंन्यागू मिलियन यूरो खर्च यानाः फ्रान्सेली क्लब ‘रेन्नेस’पाखें हःगु खः ।
 
Categorized in कासा